متى يمكن أن نقول أن الثورة نجحت؟
الإجابة المنطقيه هى: حين أن تتحقق الأهداف
ما هى أهداف الثورة؟ لماذا قامت ثورة 25 يناير؟
هل قامت الثورة لعزل مبارك؟
هل قامت الثورة لحل الحزب الوطنى؟
هل قامت الثورة لمحاربة الفساد؟
إن الثورة التى تغير النظام بدون تغيير أهم مكون فى النظام، الشعب، هى ثورة فاشلة بكل المقاييس!
قامت الثورة فسالت دماء. قامت الثورة فتكبد الوطن أموالا طائله. قامت الثورة فسقط نظام الحكم. قامت الثورة و مازال المعتصمون و المتظاهرون ينادون بحبس هذا و شنق ذلك و إعادة أموال هؤلاء
مصر عاشت ستين عاما من الظلام و التدمير المستمر للأخلاق و التعليم و الدين و الصناعة و الزراعة. جيلين كاملين دمرهما نظام فاشل أسفر عن 80 مليون جائع و جاهل و مريض ... ثم تأتى الثورة للتغيير! تغيير الحكومة و تغيير الدستور و تغيير الأسماء
كم قامت نقابة الأطباء بمناوشات مع النظام السابق؟ أين برامجها الآن لتطوير الخدمة الصحية للمواطن؟ أم أنهم ينتظرون قدوم الوزير الجديد ببرامجه و رؤيته حتى يناوشوه هو أيضا؟
أساتذة الجامعات أسسو حركة 9 مارس و غيرها لرفض النظام القائم، أين برنامجهم لتطوير نظام التعليم و البحث العلمى؟ أم أن كل مطالبهم تنحصر فى رفع المرتبات بدون رفع مستوى التعليم و العمل؟
عمال المصانع قاموا بعدد لا يحصى من الإضرابات و المظاهرات مطالبين بمطالب متعددة، و الآن ما زالو يضربون عن العمل بدون أى مبالاة لواجب العمل و الإنتاج
"كله عاوز فلوس"
"ما حدش عاوز يتعب"
إن تغيير المجتمع سيحتاج إلى جيل أو إثنين ليتم تربية الشباب على المبادئ السليمة و لكن على المدى القصير يجب أن يعى كل ذى عقل أن دوره هو توعية الآخرين بأن من لا يعمل لا يستحق أن يطالب، بدلا من أن ينفخ هؤلاء و هؤلاء فى أبواق المطالبات و التخوين و اللعب بمشاعر شعب يسود فيه الجهل و المشاعر الجياشة
"أنا تعبت من إللى بيحصل فى البلد، كل واحد فرحان علشان ده إتحبس و ده إتقبض عليه و ما حدش واخد باله إن ما حدش واخد باله إن البلد عاوزه شغل موش شماته"
well said Doctor ,, thank you
ReplyDeleteMohammad Alhawwary
مش عيب ان احنا نفرح واحنا بنشوف الحق بيبان بس العيب اللي بجد ان احنا نفضل قاعدين بنتفرج لازم كله يشتغل لازم كل واحد بيشتغل ايا كان منصبه يشتغل وهو مقتنع تماما انه بيشتغل عشان بلده مش عشان ياخد فلوس وبس ...عند حضرتك حق يادكتور
ReplyDelete"إن الله لا يغير مابقوم حتى يغيروا مافي انفسهم "
مريم اسامة
ما هو المطلوب في النهاية إننا نتعب و نزهق و نستسلم للأمر الواقع و نسيب البلد يحصل فيها اللي يحصل!!
ReplyDeleteأنا لا أوافقك أبداً يا دكتور في جملة:
عمال المصانع قاموا بعدد لا يحصى من الإضرابات و المظاهرات مطالبين بمطالب متعددة، و الآن ما زالو يضربون عن العمل بدون أى مبالاة لواجب العمل و الإنتاج
حضرتك تعرف عامل المصنع ده بيشتغل كام ساعة و بيقبض كام جنيه؟ .. عنده تأمين صحي ولا لأ؟ .. بيرتاح أد ايه؟ .. للأسف العمال دي أكتر فئة كادحه في المجتمع و طول ما هو مش بياخد حقه يبقى لو إشتغل مش هيشتغل كويس و عمر ما الصناعة عندنا هتتحسن .. غير إن بعض العمال في المصانع بيبقى أحسن له يموت و يرتاح ولا إنه يكمل شغل بالطريقة دي .. العامل المصري إنت تقدر تخليه زي المكنة بس إديله حقه و عيشه مرتاح .. ده أقل حقوقه .. و لو أخد حقه هيعمل واجبه!
هتقوللي البلد مافيهاش فلوس؟ .. هأحاول أقتنع بس ده لا يمنع إنك تقطع وعد بإنه لو إشتغل بكره أوضاعه هتتحسن!
تقبل فائق إحترامي :)